«SportQory» қоры - Қазақстандағы брейкингтің дамуына серпін беруші күш

Кейінгі жылдары брейкинг Қазақстанда қарқынды дамып, көше мәдениетінен Олимпиада бағдарламасына енген заманауи спорт түріне айналды. Бұл бағыттың ұлттық деңгейде дамуына спорт индустриясын қолдау қоры «SportQory» айрықша үлес қосып келеді, деп хабарлайды Sport12.kz

Қор брейкингті дамыту үшін спорттық инфрақұрылымды жетілдіруге, жас спортшыларға қолайлы жаттығу жағдайларын жасауға және қазақстандық атлеттердің халықаралық жарыстарға қатысуын қаржылай қолдауға басымдық береді. Сонымен қатар, балалар мен жастарға арналған бағдарламалар арқылы брейкингті спорт пен мәдениетті ұштастыратын тиімді құрал ретінде дамытады.

Брейкингтің Олимпиада ойындарына енуі Қазақстанда бұл спорт түрін мемлекеттік деңгейде қолдауға жаңа мүмкіндіктер ашты. «SportQory» қорының бастамасымен білім беру жобалары, шеберлік сабақтары мен фестивальдер ұйымдастырылып, жастар арасында брейкингтің танымалдығы артып келеді.

Бүгінде қазақстандық брейкерлер халықаралық ареналарда жоғары нәтиже көрсетіп, елдің спорттық әлеуетін дәлелдеуде. «SportQory» қоры тек қаржылай қолдау көрсетіп қана қоймай, Қазақстанның жаңа спорт бағыттарын дамытушы ел ретіндегі имиджін нығайтуды мақсат етеді. Алдағы уақытта қор халықаралық серіктестікті кеңейтіп, елімізде ірі халықаралық турнирлер өткізуді жоспарлап отыр.

Біздің серіктес: «Ойна, болжа, қатыс!»