Ұлттық Олимпиадалық комитетте жаңа құрам жасақталды

23 сәуірде Қазақстан ҰОК Бас ассамблеясында Атқарушы комитетінің жаңартылған құрамы бекітілді, деп хабарлайды Sport12.kz Ұлттық Олимпиадалық комитеттің баспасөз қызметіне сілтеме жасап.

Жиын барысында ұйымның жарғысына енгізілген өзгерістер талқыланып, жаңа мүшелер қабылданды.

Іс-шараға Қазақстан ҰОК президенті Геннадий Головкин, ҚР Туризм және спорт вице-министрі Серік Жарасбаев, Қазақстан ҰОК бас хатшысы Әлімжан Ақаев және ұлттық спорт федерацияларының өкілдері қатысты.

Бас ассамблея қорытындысы бойынша Атқарушы комитетінің құрамы жаңартылды.

Вице-президенттер:

Серік Жарасбаев – өңірлермен жұмыс жөніндегі вице-президент, ҚР Туризм және спорт вице-министрі

Шахмұрат Мұтәліп – халықаралық ынтымақтастық жөніндегі вице-президент, Қазақстан бокс федерациясының президенті

Данияр Абулгазин – жазғы олимпиадалық спорт түрлері жөніндегі вице-президент, Үстел теннисі федерациясының президенті

Сәкен Мұсайбеков – қысқы олимпиадалық спорт түрлері жөніндегі вице-президент, Шайбалы хоккей федерациясының бас директоры

Гаджи Гаджиев – жалпы мәселелер жөніндегі вице-президент, Ауыр атлетика федерациясының президенті.

Спортшылар комиссиясының өкілі:

Ольга Рыпакова – Жеңіл атлетика федерациясының президенті.

Ұлттық федерациялар өкілдері:

Әлия Юсупова – Гимнастика федерациясының президенті;

Мәди Такиев – Волейбол федерациясының президенті;

Асхат Жіткеев – Дзюдо федерациясының бас хатшысы;

Нұрлан Жақыпов – Су спорты түрлері федерациясының президенті;

Ержан Біржанов – Триатлон федерациясының президенті;

Берік Асылов – Спорттық ату федерациясының президенті;

Құдірет Шамиев – Таэквондо (WTF) федерациясының президенті;

Қайрат Дүйсенов – Гольф федерациясының вице-президенті.

Біздің серіктес: 200 000 фрибетті ұтысқа саламыз – арнаға жазыл және батырманы бас