Жеңіл атлетика: Қазақстан жалпы есепте 4-орын алды

Оңтүстік Кореяның Гуми қаласында өткен жеңіл атлетикадан Азия чемпионаты ресми түрде өз мәресіне жетті, деп хабарлады Sport12.kz

27–31 мамыр аралығында өткен дүбірлі додада 39 елден келген спортшылар 45 медаль жиынтығын сарапқа салды. Қазақстан құрамасы жарысты 3 алтын, 1 күміс, 2 қола медальмен аяқтап, жалпыкомандалық есепте төртінші орынға табан тіреді. Бұл көрсеткіш ел тарихындағы ең үздік нәтижелердің бірі саналады.

Қазақстан атынан 32 спортшы жүлдеге таласты.

1-орын. 10 000 метр. Дейзи Джепкемей - 30:48.44

1-орын. 3 000 метрге кедергімен жүгіру. Нора Джеруто - 9:10.46 

Азия чемпионатының рекордын жаңартты (бұған дейінгі рекордты 2015 жылы Үндістан спортшысы Лалита Бабар орнатқан болатын (9:34.13))

1-орын. 5 000 метр. Нора Джеруто - 14:58.71

Азия чемпионатының рекордын жаңартты (бұған дейінгі рекордты 2013 жылы БАӘ спортшысы Беилзем Десалегн орнатқан (15:12.84))

2-орын. Биіктікке секіру. Елизавета Матвеева - 1.86 метр

3-орын. 3 000 метрге кедергімен жүгіру. Дейзи Джепкемей - 9:27.51

3-орын. 20 шақырымға спорттық жүріс. Ясмина Тоқсанбаева - 1:32:22

Естеріңізге сала кетейік, 2023 жылғы Азия чемпионатында Қазақстан 1 алтын, 2 күміс, 1 қоламен жалпы есепте 8-орынға тұрақтаған болатын.