Қазақстан құрамасы Азия чемпионатын алты медальмен аяқтады

Оңтүстік Кореяның Гуми қаласында өткен жеңіл атлетикадан Азия чемпионаты өз мәресіне жетті, деп хабарлайды Sport12.kz.

Еліміздің атлеттері жарысты 6 медальмен аяқтады: 3 алтын, 1 күміс және 2 қола.

Екі алтын медальді Нора Джеруто жеңіп алды – ол 3000 метр кедергілермен жүгіру және 5000 метр қашықтықта топ жарды. Тағы бір алтынды 10 000 метрге жүгіруде Дейзи Джепкемей еншіледі.

Биіктікке секіру сайысында Елизавета Матвеева күміс медаль иеленсе, спорттық жүрістен 20 шақырымда Ясмина Тоқсанбаева қола жүлдегер атанды. Сондай-ақ Дейзи Джепкемей 3000 метрге кедергілермен жүгіруде үшінші орыннан көрінді.

Командалық есепте Қазақстан мен Қатар құрамалары бірдей нәтиже көрсетіп, төртінші орынға тұрақтады.

Жарыс қорытындысы бойынша Қытай көш бастады (19 алтын, 9 күміс, 4 қола), екінші орында – Үндістан (8 алтын, 10 күміс, 6 қола), үздік үштікті Жапония түйіндеді (5 алтын, 11 күміс, 12 қола).

Біздің серіктес: 200 000 фрибетті ұтысқа саламыз – арнаға жазыл және батырманы бас