Нора Джеруто әлем чемпионатында жүлдеге сәл жетпей қалды

Қазақстандық жеңіл атлет Нора Джеруто Токио (Жапония) қаласында өтіп жатқан әлем чемпионатын аяқтады, деп хабарлайды Sport12.kz

Әйелдер арасында 3000 метрге тосқауылдар арқылы жүгірудің финалдық сайысында Нора Джеруто 9:06.34 уақытымен мәре сызығын 6-шы болып кесті.

Ол соңғы айналымға дейін үздік үштіктің қатарында келе жатса да, тосқауыл секіру барысында қателікке бой алдырып, жылдамдығын бәсеңдетіп алды. Салдарынан ол жүлдеден тыс қалды.

Бірінші орынды Кения желағы Фейт Черотич (8:51.59) алса, күміс жүлдеге Париж Олимпиадасының чемпионы, Бахрейн атынан сынға түскен Уинфред Яви (8:56.46) алды. Ал жастар арасындағы әлем чемпионы, Эфиопия спортшысы Сембо Алмоев (8:58.86) қола жүлдеге ие болды. Сайыс барысында басты фавориттердің бірі саналған, Токио Олимпиадасының чемпионы Перут Чемутай (Уганда) жарақат алып, сайысты ерте аяқтады.

Айта кетейік, Нора Джеруто 2022 жылы АҚШ-та өткен жаһандық додада ел тарихындағы алғашқы әлем чемпионы атанған болатын.

Біздің серіктес: 200 000 фрибетті ұтысқа саламыз – арнаға жазыл және батырманы бас