06.06.2023
Ольга Рыпакованың қызы Азия чемпионатының қола жүлдегері атанды
Анастасия Рыпакова
Оңтүстік Кореяның Инчхон қаласында жеңіл атлетикадан Азия біріншілігі өтіп жатыр. Ел қоржынына кезекті жүлдені Анастасия Рыпакова салды.
Рыпакова ұзындыққа секіруден сынға түсіп, турнирдің басты фавориттерінің бірі болған. Алайда ол бір ай бұрын өткен Қазақстан чемпионатындағы нәтижесін тіркей алған жоқ. Ол кезде Анастасия 6,21 метрді бағындырған еді.
Азия біріншілігінде Рыпакова 5,9 нәтижесін бағындырды. Осылайша, Қытай мен Үндістан спортшыларына есе жіберген ол қола жүлдегер атанды.
Айта кетелік, Анастасия Рыпакова үш қарғып секіруден әлем және Олимпиада чемпионы Ольга Рыпакованың қызы.
