28.08.2023
Қазақстандық спортшы әлем чемпионатын тоғызыншы орынмен аяқтады
Будапеште жеңіл атлетикадан 2023 жылғы әлем чемпионаты аяқталды. Қазақстан сапынан ең соңғы болып Надежда Дубовицкая өнер көрсетті.
Қазақстандық спортшылар арасынан Надежда Дубовицкая биіктікке секіру жарысының финалында өнер көрсетті. Отандасымыз 1.85 және 1.90 метр биіктіктерді бірінші мүмкіндігінен еңсерген. Алайда 1.94 метрді отандасымыз бағындыра алмады. Осылайша, Надежда Дубовицкая әлем біріншілігін 9-орынмен аяқтады. Айта кетелік, аталған әлем чемпионатында отандық жеңіл атлеттер бірде бір медаль алған жоқ.
