Астанада әуесқойлар арасында жеңіл атлетика жарысы өтеді

23 ақпан күні Астана қаласындағы Qazaqstan жеңіл атлетикалық спорт кешенінде әуесқойлар арасында жыл сайын өтетін INDOOR RUN ASTANA 2025 жеңіл атлетикадан турнирі өтеді.

Турнирдің басты мақсаты – жеңіл атлетиканы насихаттау, бұқаралық спортты дамыту және салауатты өмір салтын дәріптеу.

Жарыс бағдарламасына келесі қашықтықтар енеді: 600 м, 1000 м, 1 миля, 2000 м, 3000 м жүгіру, аралас эстафеталық жүгіру және критериум жарысы.

Турнирге еліміздің 10 аймағынан 25-тен астам жүгіру клубының 110-нан аса әуесқой спортшысы өтініш берді. Сондай-ақ, жарысқа Ресей Федерациясынан әуесқой спортшылар қатысады. Өткен жылдағыдай, зияткерлік даму ерекшеліктері бар жандар да турнирде өнер көрсетеді.