Тарихта алғаш рет: Қазақстан жеңіл атлеттері жабық кешендегі әлем чемпионатына қатыспайды

Қазақстан Орталық Азия өңірінде жеңіл атлеттері жабық кешендегі әлем чемпионатына қатыспайтын жалғыз ел ретінде тіркелді.

Алдағы халықаралық турнир Қытайда келесі жұма күні басталып, 23 наурызда аяқталады. World Athletics мәліметінше, әлем чемпионатына 127 елден 576 атлет қатысады. Тарихта алғаш рет Қазақстан бұл жарысқа өз спортшыларын жібере алмай отыр.

Ең қызығы, Орталық Азиядағы көршілеріміз іріктеу талаптарын орындап, Нанкиндегі жастарға арналған олимпиадалық спорт паркінде жарысқа жолдама алды.

Қырғызстан – Руслан Литовский (400 м)

Түркіменстан – Валентина Медведева (60 м)

Өзбекстан – Шарифа Давронова (үш қарғып секіру)

Тәжікстан – Фаворис Музапаров (60 м)

Бұрынғы Кеңес Одағы елдерінен Ресей мен Беларусь спортшылары да бұл чемпионатқа қатыса алмайды, өйткені олар халықаралық жарыстардан шеттетілген. Сонымен қатар, Әзербайжан мен Молдова атлеттері де іріктеу нормативтерін орындай алмады. Ал қалған посткеңестік елдер әлем чемпионатына өз өкілдерін жіберді:

Украина – 7

Эстония – 6

Латвия – 3

Армения, Грузия, Литва – 1 спортшы.