47 жыл бойы бұзылмаған Қазақстан рекорды жаңарды

Қазақстан атынан сынға түсетін кениялық жеңіл атлет Шедрак Коеч Кимутай 47 жыл бойы өзгермеген марафон жүгірісіндегі ел рекордын жаңартты, деп хабарлайды Sport12.kz.

Коеч Марокконың Рабат қаласында өткен халықаралық жарыста 42 шақырым 195 метр қашықтықты 2 сағат 11 минут 21 секундта еңсеріп, 9-орынға ие болды. Бұл нәтиже – Қазақстан тарихындағы ең үздік көрсеткіш.

Осыған дейінгі рекорд 1978 жылдың 3 қыркүйегінде тіркеген Николай Пензинге тиесілі болған. Ол Чехословакия астанасы Прагада өткен Еуропа чемпионатында КСРО құрамасы сапында 2:11:59 нәтижесімен күміс жүлде жеңіп алған еді.

Айта кетейік, Шедрак Коеч Кимутай – Кения тумасы. Ол 2022 жылы Қазақстан азаматтығын алып, халықаралық ареналарда еліміздің намысын қорғап жүр.