Алматы облысы бокс федерациясына жаңа президент сайланды

Алматы облысы бокс федерациясының жаңа президенті болып Әшірбаев Бекжан Нұржанұлы сайланды, деп хабарлайды Sport12.kz ақпараттық агенттігі Қазақстан бокс федерациясының баспасөз қызметіне сілтеме жасап.

Жиынға Қазақстан бокс федерациясының бас хатшысы Мерей Ақшалов және аймақтармен жұмыс бойынша вице-президенті Болат Абдрахманов арнайы келді. Сонымен қатар, Алматы облысы дене шынықтыру және спорт басқармасы басшысының орынбасары Рахман Шахарбек, ҚБФ президентінің кеңесшісі Тұрсынғали Еділов және өңірдегі бокс жаттықтырушылары мен мамандары қатысты.

Бекжан Әшірбаев - 35 жаста, BAQProject құрылыс компаниясы, BEKGroupTaxi, Badawi мейрамханасы сынды бизнес жобалардың жетекшісі және құрылтайшысы.

Жиын соңында Бекжан Нұржанұлы Алматы облысының жетістікке жеткен боксшылары мен жаттықтырушыларын ақшалай марапаттады.