«Манчестер Юнайтед» Еуропаның үздік шабуылшысын сатып алуға дайын

Англиялық «Манчестер Юнайтед» лиссабондық «Спортингтің» шабуылшысы Виктор Дьёкерешті сатып алуға дайын, деп хабарлайды Sport12.kz

Бұл туралы белгілі журналист және инсайдер Николо Скира әлеуметтік желі X парақшасында жазды. Ақпарат көзінің мәліметінше, швед шабуылшысы португал клубын €65 млн сомасына ауыстыруы мүмкін.

Бұған дейін 26 жастағы футболшыға лондондық «Арсенал» қызығушылық танытып отырғаны хабарланған болатын. Тіпті, «канонирлердің» Дьёкерешті трансферлеу бойынша «Спортингпен» келіссөздер жүргізіп, келісімге жақын қалғаны айтылған.

Виктор Дьёкереш португалиялық команда сапында 2023 жылдың шілдесінен бері ойнап келеді. Олар Викторды «Ковентриден» €24 млн трансферлік құнына сатып алынған. Бұған дейін ол АПЛ-де «Брайтон» сапында өнер көрсеткен.

Аяқталған маусымда Дьёкереш барлығы 52 матчқа қатысып, 54 гол соғып, 13 нәтижелі пас берген. Оның қазіргі келісімшарты 2028 жылдың жазына дейін есептелген.