11 сағат бұрын
Фаниль Рафиков ресейлік Мариф Пираевты қапы қалдырды
Наурызбай Қанатұлы
Фото: Getty Images
13 маусым күні Алматы қаласында кәсіби бокс кеші өтті, деп хабарлайды Sport12.kz.
Кештің басты жекпе-жегінде қазақстандық ММА файтері Фаниль Рафиков пен ресейлік Мариф Пираев кездесті. Айқас суперорта салмақта, кәсіпқой бокс ережесі бойынша алты раундқа жоспарланған болатын.
Рафиков үшін бұл кәсіпқой бокстағы екінші жекпе-жек болды. Ол рингтегі алғашқы кездесуін 2025 жылдың ақпанында өткізіп, жеңіспен бастаған еді. Ал Пираев үшін бұл бокс ережесі бойынша дебюттік айқас болды.
Жекпе-жек толықтай белгіленген қашықтыққа созылып, төрешілердің бір ауызды шешімімен Фаниль Рафиковтың пайдасына аяқталды.
