Cәкен Бибосынов Хасанбой Дусматовпен қарым-қатынасын айтты

Әуесқой бокста Токио Олимпиадасының қола жүлдегері, Әлем чемпионы Сәкен Бибосынов "Спорт Министрі" арнасына берген сұхбатында Өзбекстан спортшысы Хасанбой Дусматовпен қарым-қатынасы жайлы сөз қозғады, деп хабарлайды Sport12.kz

• Сәуір айында Ресейдің Кисловодск қаласында өткен оқу-жаттығу жиынында Хасанбоймен бірге болдым. Ол Париж Олимпиадасынан кейін енді жаттығуға кірісіп жатыр. Толық бабына енбеген. Артынша Хабаровсктегі жарысқа қатысатынын естідім. Жеребе екеумізді бастапқы кезеңдерде жолықтырады деп ойлағам. Бірақ Хасанбой ширек финалда інісіне жол беріп, жекпе-жек өтпей қалды. Оған деген көзқарасым оң. Рингте ғана қарсыласпыз. Ал інісінің тәжірибесі әлі аздау. Бірақ жақында ғана Таиландтағы турнирде топ жарыпты.