9 сағат бұрын
Ербол Мырзабосынов бокстан Қазақстан құрамасының дайындығымен танысты
Фото: Қазақстан бокс федерациясы
Туризм және спорт министрі Ербол Мырзабосынов бокстан Әлем кубогі қарсаңында Қазақстан ұлттық құрамасының оқу-жаттығу жиынына барды, деп хабарлайды Sport12.kz.
Бұл жөнінде Қазақстан бокс федерациясы мәлім етті.
Естеріңізге сала кетейік, 30 маусым мен 6 шілде аралығында Астанада ерлер мен әйелдер арасында бокстан Әлем кубогі өтеді. Жарысқа 30 елден 300 боксшы қатысады.
Қазіргі уақытта елордада отандық спортшылармен бірге АҚШ, Канада, Сербия, Франция, Финляндия, Швеция, Швейцария, Әзербайжан, Аустралия, Словакия, Норвегия және Германия боксшылары бірлескен жаттығу өткізіп жатыр. Халықаралық жиынға жалпы саны 100-ден астам боксшы қатысуда.
Қазақстан құрамасының нақты құрамы осы жиын қорытындысы бойынша анықталады.
Жарыстар Жақсылық Үшкемпіров атындағы жекпе-жек сарайында өтеді. Ашылу салтанаты 30 маусым күні сағат 13:00-де, ал финалдық жекпе-жектер 6 шілде күні сағат 14:00-де басталады.
