14 сағат бұрын
Моңғолия елінің боксшылары Астанаға ат басын бұрды
Фото: Қазақстан бокс федерациясы
Әуесқой бокстан әлем кубогінде бақ сынайтын Моңғолия елінің боксшылары Астанаға келді, деп хабарлайды Sport12.kz.
Моңғолия боксшыларының қатарында қандасымыз Бекнұр Қалиұлы бар. Ол аса ауыр салмақта Моңғолия намысын қорғайды.
Бекнұр Қалиұлы 2024 жылы Азия чемпионатында қола, әлем кубогінде күміс жүлдеге ие болған.
Сонымен қатар әйелдер сапында әлем чемпионатының қола жүлдегері Энхжаргал Мөнгөнцэцэг бар.
Айта кетейік, World Boxing ұйымдастыруымен әлем кубогі елімізде бірінші рет өткелі жатыр.
Байрақты бәсекеге 30 мемлекеттен 300-ге жуық спортшы өзара мықтыны анықтайды.
