Ауыр атлетика: Едіге Емберді рекордпен жастар арасында Азия чемпионы атанды

Ауыр атлетикадан Астана қаласында өтіп жатқан жастар және жасөспірімдер арасындағы Азия чемпионатында талантты спортшымыз Едіге Емберді топ жарды, деп хабарлайды Sport12.kz

Негізгі бәсеке тек 3 спортшының арасында ғана өрбіді. Ересектер арасында Азия чемпионатының 4-орын иегері Хайитбой Абдушукуров, былтыр әлем рекордын жаңартып, 73 келідегі чемпион Ақжол Құрманбек және жастар мен жасөпірімдер арасында әлем чемпионы Едіге Емберді соңына дейін өзара күш сынасты.

Нәтижесінде Едіге Емберді серпе көтеру және қорытынды жаттығуда қос бірдей Азия рекордын жаңартып, чемпион атанды.

79 келі. 14 қатысушы.

1-орын. Едіге Емберді - 347 келі (153+194)

2-орын. Ақжол Құрманбек - 343 келі (151+192)

3-орын. Хайитбой Абдушукуров (Өзбекстан) - 337 келі (152+185)

Едіге Емберді бұған дейін 2022 жылы да жастар арасында әлем рекордын жаңартып, Азия чемпионы атанған еді.