Қос отандық боксшы Канело – Кроуфорд андеркардында жұдырықтасады

Қазақстандық атақты кәсіпқой боксшылар Данияр Елеусінов (12-0, 7 КО) пен Иван Дычко (14-0, 13 КО) 14 қыркүйекте Лас-Вегаста өтетін Сауль «Канело» Альварес пен Теренс Кроуфорд арасындағы үлкен бокс кешіне қатысады, деп хабарлайды Sport12.kz

— Данияр қыркүйекте Канело – Кроуфорд андеркардында жұдырықтасады. Қазір осы бағытта келіссөздер жүріп жатыр. Ол шілде айында бір жекпе-жек өткізеді. Данияр жаңа бапкермен, жаңа жаттығу лагерінде дайындалып жатыр. Қазір ол керемет формада. Ваня да сол жерде келісім-шартқа отырған. Ол да шілдеде жекпе-жек өткізеді. Біз оларды қыркүйектегі шоуға дейін белсенді ұстағымыз келеді, — деді боксшылардың промоутері Зия Алиев «Наш Боец» YouTube арнасына берген сұхбатында.