Тимур Тайбеков Азия чемпионатында техникалық нокаутпен жеңіске жетті

Таиланд астанасы Бангкокта өтіп жатқан жастар арасындағы Азия чемпионатында (U-19 және U-22) қазақстандық боксшы Тимур Тайбеков керемет өнер көрсетіп, жарыстың келесі кезеңіне жолдама алды, деп хабарлайды Sport12.kz.

80 келіге дейінгі салмақ дәрежесінде сынға түскен Тайбеков Сингапур өкілі Ли Райан Бенджаминмен жұдырықтасты. Жекпе-жек басынан-ақ Тимурдың толық үстемдігімен өтті — әр раундта қарсыласын нокдаунға жіберіп отырды.

Үшінші нокдауннан кейін төреші кездесуді тоқтатып, қазақстандық спортшының техникалық нокаутпен жеңіске жеткенін тіркеді.

Еске сала кетейік, бұған дейін тағы бір отандасымыз Азия біріншілігінде қарсыласының мұрнын сындырып, айқын басымдықпен жеңіске жеткен болатын.