6 сағат бұрын
Қазақстандық маман Asian boxing ұйымының басшылық құрамына кірді
Фото: Қазақстан ҰОК
Қазақстан бокс федерациясының вице-президенті Дархан Қызайбаев Asian boxing ұйымының басшылық құрамына кірді, деп хабарлайды Sport12.kz.
Қазақстан Ұлттық Олимпиада комитетінің хабарлауынша, Бангкок (Таиланд) қаласында бокстан U19 және U22 жасқа дейінгілер арасындағы Азия чемпионаты аясында Азия бокс федерациясының кезектен тыс конгресі өтті.
Жиын барысында жаңа құрлықтық ұйымның басшылық құрамы сайланды.
Қазақстан бокс федерациясының вице-президенті Дархан Қызайбаев Қаржылық және аудиторлық комиссияның төрағасы әрі директорлар кеңесінің мүшесі болып тағайындалды.
Айта кетейік, Дархан Қызайбаев 2024 жылдың ақпан айынан бастап халықаралық байланыстар жөніндегі вице-президент қызметін атқарып келеді. Сондай-ақ, ол 2024 жылдың желтоқсанында Asian Boxing уақытша кеңесінің құрамына сайланған еді.
