WBO Жәнібек Әлімханұлына қатысты мәлімдеме жасады

Дүниежүзілік бокс ұйымы (WBO) орта салмақтағы әлем чемпионы, қазақстандық Жәнібек Әлімханұлына (17-0, 12 КО) арналған жазба жариялап, жанкүйерлерден оның келесі қарсыласы туралы пікірлерін сұрады.

«Жәнібектің келесі жекпе-жегін кіммен өткізгенін қалайсыздар? Арман жекпе-жектеріңізді пікірге жазыңыздар», – деп жазды ұйым өзінің әлеуметтік желідегі парақшасында.

Еске салайық, Жәнібек Әлімханұлы – орта салмақта WBO және IBF тұжырымдары бойынша әлем чемпионы. Соңғы жекпе-жегін ол 5 сәуірде Астанада өткізіп, француз Анауэль Нгамиссенгені (14-1, 9 КО) бесінші раундта нокаутпен жеңіп, екі белбеуін де қорғап қалды.

Қазір «Қазақ стилі» келесі жекпе-жекке дайындық үшін АҚШ-та жаттығып жатыр. Кездесудің нақты күні мен қарсыласы әлі жарияланған жоқ.

Орта салмақтағы басқа чемпиондар қатарында доминикандық Карлос Адамес (WBC, 24-1-1, 18 КО) және кубалық Эрисланди Лара (WBA, 31-3-3, 19 КО) бар.

Біздің серіктес: 200 000 фрибетті ұтысқа саламыз – арнаға жазыл және батырманы бас