Бекзад Нұрдәулетов Қазақстан ұлттық құрамаларының бас бапкерлерін салыстырды

Бокстан 2019 жылғы әлем чемпионы Бекзад Нұрдәулетов ұлттық құраманы тізгіндеген бапкерлердің ерекшелігі жайлы айтты, деп хабарлайды Sport12.kz сайты Ақырыс Сейітқазының YouTube арнасына сілтеме жасап.

"Менің жас кездегі кезеңім Қайрат Сәтжановпен тікелей байланысты. Ол кісі бірінші кезекте физикалық шыдамдылыққа мән беретін. Соның арқасында да жастар құрамасымен қай жарыс болмасын, үнемі жалпы есепте бірінші орын алатын. Өздеріңіз білетіндей, Париж Олимпиадасынан кейін ұлттық құрама боксшыларының физикалық жағынан шаршап қалады деген сын айтылған еді. Міне, Қайрат Сәтжанов мырза осы жағынан жұмыс істеп жатыр", деді Бекзад Нұрдәулетов.

Ол Мырзағали Айтжановтың да жұмысын бағалады.

"Мырзағали Айтжановтың жұмысы жүйелі түрде жолға қойылған. Әр боксшының шектен тыс жаттығу жасап қоймауына мән береді. Көзбен бақылап-ақ, барлығына дәлме-дәл баға беретін", - деп айтты Бекзад.

Ал Токио Олимпиадасына дайындаған Ғалым Кенжебаевтың тұсында ол боксшыларымыз қуатты болғанымен, психологиялық жағынан сәл жетіспегенін айтты.

Біздің серіктес: 200 000 фрибетті ұтысқа саламыз – арнаға жазыл және батырманы бас