Төрехан Сабырхан алғашқы жекпе-жегінде қандай қателік жасады?

Бокстан Ливерпуль қаласында әлем чемпионатының үшінші жарыс күнінде қарсыласынан жеңісті жұлып алған Төрехан Сабырхан өз ойымен бөлісті, деп хабарлайды Sport12.kz

«Қарсыласымның тәжірибесі мол. 2021 және 2023 жылдары әлем чемпионатына қатысып, тіпті ширек финалға дейін жеткен.  Бірақ оның жекпе-жегін толық зерттедім айта алмаймын. Айқас барысында бапкерлерімнің нұсқауымен қарсыласыма бейімделдім. Басты қателігім - аяқта тұрып қалып жаттым. Келесіде бұл қателікті қайталамауға тырысамын.

Ағам Махмұд Сабырхан да өз қолдауын танытып жатыр. Әлем чемпионаты болса да, қалыпты турнир ретінде қабылдап, жанып кетпе деп жатыр. Енді бұйырса Нидерланд боксшысы Роберт Бошты да әд осылай сенімді жеңуге барымды саламын», - деді Төрехан Сабырхан.

Айта кетейік, Жастар арасында әлем чемпионы, 70 келідегі Төрехан  алғашқы айналымда Алжир өкілі Юсуф Яичиді 3-раундта 2 мәрте нокдаунға жіберіп, 3:1 есебімен жеңіске жеткен болатын.

Енді жерлесіміз 1/8 финалда сенсация авторы атанған Роберт Бошпен (Нидерланд) жұдырықтасады.

Біздің серіктес: 200 000 фрибетті ұтысқа саламыз – арнаға жазыл және батырманы бас