Қостанай тумасы Владислава Кухта Ливерпульде жеңіліс тапты

Ливерпульде өтіп жатқан әлем чемпионатында бұрын Қазақстан намысын қорғаған боксшы Владислава Кухта өкінішке қарай жарысты аяқтады. 1/32 финалда ол хорват Сара Берамнан жеңіліп, турнирден шығып қалды, деп хабарлайды sport12.kz

Кухта — Қостанай облысының тумасы. Ол Қазақстан сапында талай жарыста бақ сынап, 2020, 2022 жылдары (57кг), 2023 жылы (60кг) ел чемпионы, атанған болатын.Кейіннен Венгрия федерациясынан ұсыныс алып, 2024 жылдың сәуірінде ресми түрде венгр азаматтығын қабылдады. Соңғы екі жылда ол екі мәрте Венгрия чемпионы атанып үлгерді.

"Мен әрдайым 57 келіде жұдырықтасатынмын, бірақ уақыт өте салмақ ұстап тұру қиынға соқты. 2023 жылдың желтоқсанында Қазақстан чемпионатында 60 кг-да жеңіске жеттім. Алайда, басты жарысқа өзге боксшы жіберілетінін естіген соң, амал қалмады", – деген еді Кухта өз сұхбатында.

Біздің серіктес: 200 000 фрибетті ұтысқа саламыз – арнаға жазыл және батырманы бас