Алуа Балқыбекованың қарсыласы: жеңілісті ешкім қабылдамайды

Бокстан Ливерпуль қаласында өткен әлем чемпионатында әйелдер бәсекесінің 51 келідегі финалдық жекпе-жегі дауға ұласты, деп хабарлайды Sport12.kz

Финалда Алуа Балқыбекова қос Олимпиаданың күміс жүлдегері Буси Наз Чакыроглуды 5:0 есебімен жеңген болатын. Әйтсе де төрешілер шешімі жарияланған соң, Түркия федерациясының өкілі қорытынды нәтижеге келіспейтіндігіне ашық наразылық білдірді.

• Париж Олимпиадасынан кейін бері осы әлем чемпионатына 10-11 ай бойы дайындалдық. Қапталдағы 5 төреші эмоциямен шешім қабылдаса да, біз әрдайым тәуекелге бара береміз. Иә, бірде топ жарасың. Бірде медаль бұйырмайды. Қолдан келер амал жоқ. Енді сәл тынығып, қайта жалғастырамыз. Ешкім жеңілісті мойындамайды. Бұйырса, 2028 жылғы Лос-Анджелес Олимпиадасында жоғарғы шыңға көтерілуді көздеймін", - деді әлем чемпионатының күміс жүлдегері Буси Наз Чакыроглу.

Айта кетейік, бұл жаһандық додада Түркия боксшылары 2 күміс, 1 қола медаль еншіледі.

Біздің серіктес: 200 000 фрибетті ұтысқа саламыз – арнаға жазыл және батырманы бас