Геннадий Головкин боксшыларды әлем чемпионатындағы тарихи жеңісімен құттықтады

Қазақстан Ұлттық Олимпиадалық комитетінің президенті Геннадий Головкин Ливерпульде өткен 2025 жылғы әлем чемпионатында тарихи жетістікке қол жеткізген ел құрамасын құттықтап, Қазақстан бокс федерациясына ресми хат жолдады.

Қазақ боксшылары алғашқы рет World Boxing ұйымы аясында өткен әлем біріншілігінде 7 алтын, 1 күміс және 2 қола медаль жеңіп алып, жалпыкомандалық есепте бірінші орынға көтерілді.

«Қазақстан бокс федерациясын ұлттық құрама командасының тарихи табысымен шын жүректен құттықтаймын. Бұл жеңіс — еліміздің спорт тарихындағы үлкен белес. Алда бізді 2026 жылғы Айти-Нагояда өтетін жазғы Азия ойындары, 2027 жылғы әлем чемпионаты және 2028 жылғы Лос-Анджелестегі Олимпиада ойындары күтіп тұр. Бүгінгі жетістік — үлкен ынталандыру, ал болашақтағы табыстар жоспарлы дайындық пен командалық бірліктің нәтижесі болады», — деді Головкин.

Ол сондай-ақ Қазақстан ҰОК ұлттық құраманы әрдайым қолдауға дайын екенін, алдағы ірі додаларда бұдан да жоғары нәтижелер күтілетінін атап өтті.

Біздің серіктес: 200 000 фрибетті ұтысқа саламыз – арнаға жазыл және батырманы бас