Алматы әуежайында бокстан әйелдер құрамасын қарсы алды

16 қыркүйекте түнгі сағат 3:00-де Алматы әуежайында Ливерпульде (Англия) өткен әлем чемпионатынан оралған Қазақстанның әйелдер құрамасы оралды, - деп хабарлайды Sport12.kz

Біздің спортшылар үш алтын, бір күміс және екі қола медаль жеңіп, жалпыкомандалық есепте бірінші орынды иеленді.

Чемпион қыздарды қарсы алуға алматылық спорт қауымдастығы, туған-туыстары, достары мен жанкүйерлері келді. Олар спортшыларды тарихи жетістігімен құттықтап, бүкіл Қазақстан үшін үлкен мақтаныш екенін атап өтті.

Чемпионатқа 68-ден елден 540 спортшы қатысты. Ал Қазақстанның ерлер және әйелдер құрамасы өз тарихындағы үздік үшінші нәтижесін тіркеді.

Ал Қазақстан әйелдер құрамасы әлем чемпионатында 30 жекпе-жек (11-Азия, 15-Еуропа, 1-Америка, 3-Океания) өткізіп, оның 23-інде жеңісті тойлады. 

Енді боксшылардың алдарында әлем кубогының финалдық кезеңі, Азия чемпионаты, 2026 жылы Аичи-Нагояда өтетін жазғы Азия ойындары сынды ірі додалар күтіп тұр.

Айтпақшы, енді «Тұманды Альбионнан» кейінгі әлем чемпионатын 2027 жылы Қазақстан қабылдайды.

Біздің серіктес: 200 000 фрибетті ұтысқа саламыз – арнаға жазыл және батырманы бас