Жәнібек Әлімханұлы 6 желтоқсанда жекпе-жек өткізеді

Орта салмақтағы WBO және IBF тұжырымдары бойынша әлем чемпионы Жәнібек Әлімханұлы көптен күткен жекпе-жегін өткізеді. 6 желтоқсан күні АҚШ-тың Техас штатындағы Сан-Антонио қаласында WBA белбеуінің иегері кубалық Эрисланди Ларамен кездеседі.

АҚШ журналисі Уилл Эско бұл кездесуді қазақстандық чемпион үшін ерекше маңызды деп бағалады. Оның айтуынша, 42 жастағы Лара — Әлімханұлының мансабындағы ең беделді қарсыластардың бірі болмақ.

Жәнібек соңғы рет сәуір айында жұдырықтасып, Анауэль Нгамиссенгені бесінші раундта нокаутқа түсірген. Ал Лара бір жыл бойы рингке шыққан жоқ. Ол өткен жылы Дэнни Гарсияны тоғызыншы раундта жеңген еді.

32 жастағы Әлімханұлы ұзақ уақыт бойы аты белгілі қарсылас іздеді, енді 42 жастағы Ларамен болатын бұл кездесу оған сол мүмкіндік болмақ. Бұл айқастағы жеңімпаз орта салмақтағы абсолютті чемпиондыққа бір қадам жақындайды, өйткені бұл дивизиондағы жалғыз өзге титул иегері — Карлос Адамес

Біздің серіктес: 200 000 фрибетті ұтысқа саламыз – арнаға жазыл және батырманы бас