Сабыржан Аққалықов нокдаунмен жеңіске жетті

Бокстан Семей қаласында ел чемпионаты жалғасып жатыр, деп хабарлайды Sport12.kz

75 келідегі басты фаворит саналатын Сабыржан Аққалықов 1/8 финалда Нұрбол Мұхаметалимен (Алматы қ) жолықты. Нұрбол 3-раунд бойы атақты қарсыласынан еш қаймықпай, алға ұмтылса да, құлшынысы нәтижесісіз аяқталды. Себебі, Сабыржан қорғаныс пен қарымта шабуылды керемет ұйымдастырып, 2-раунд барысында қарсыласын нокдаунға да түсіріп үлгерді. Қорытынды есеп: 5:0.

Сабыржан Аққалықов - жастар арасында әлем чемпионы (2021). 2025 жылы Астанада өткен World Boxing әлем кубогы кезеңінде қола медаль жеңіп алды. Ал 2025 жылы Ливерпульде (Ұлыбритания) өткен әлем чемпионатында күтпеген жерден бірінші айналымда украиналық боксшыға есе жіберіп қойды.

Айта кетейік, жарыстың бас демеушісі - BELES құрылыс компаниясы.

Біздің серіктес: 200 000 фрибетті ұтысқа саламыз – арнаға жазыл және батырманы бас