Санжар-Али Бегалиев: қола жүлдеге қанағаттанбаймын

Бокстан Семей қаласында өтіп жатқан Қазақстан чемпионатында жартылай финалдық бәсекелер жалғасуда, деп хабарлайды Sport12.kz

80 келіде көпшілік күткен Диас Молжігітов пен Санжар-Али Бегалиевтің арасындағы айқас 4:1 есебімен Диастың пайдасына шешілді.

«Ересектер арасында алғаш рет Қазақстан чемпионатына қатыссам да, бірінші нөмірге таласуға болатынына көзім жетті. Қола жүлдеге қанағаттанбаймын. Алдағы уақытта жаттығуымды жалғастырып, бұдан биік белестерді бағындыруға тырысамын. Жекпе-жекке келетін болсақ, 3-раундта жоспарымдағы тактикамды орындай алмай қалдым», - деді Санжар-Али Бегалиев.

Айта кетейік, Санжар-Али Бегалиев кеше ширек финалда басты сенсацияның авторы атанып, Нұрқанат Райысты 1-раундта нокаутқа жіберген болатын.

Біздің серіктес: 200 000 фрибетті ұтысқа саламыз – арнаға жазыл және батырманы бас