Мұхаммедсабыр Базарбайұлы: қай салмақта болатынымды айта алмаймын

Бокстан Семей қаласында өтіп жатқан Қазақстан чемпионатында жартылай финалдық бәсекелер жалғасуда, деп хабарлайды Sport12.kz

65 келіден 70 келі салмаққа көтерілуге сынға түскен Мұхаммедсабыр Базарбайұлы жартылай финалда Алматы қаласының спортшысы Фарух Тоқтасыновпен кездесіп, тартысты айқаста 2:3 есебімен жол берді.

«Бапкерлеріммен ақылдаса келе 70 келіде Қазақстан чемпионатына қатысуға шешім қабылдадық. Қатты салмақ қуудың қажеті жоқ. Өзімді жеңіл сезінемін. Қарсыластарыммен де айқасу қатты қиынға соқпады. Әйтсе де 65 немесе 70 келінің қайсысында қалатынымызды болашақта шеше жатармыз», - деді Мұхаммедсабыр Базарбайұлы.

Айта кетейік, Мұхаммедсабыр Базарбайұлы ұзақ уақыт бойы 60, 63,5 және 65 келіде өнер көрсетіп келген еді. Ол 2024 жылы Париж Олимпиадасына қатысып, ширек финалға дейін жеткен.

Біздің серіктес: 200 000 фрибетті ұтысқа саламыз – арнаға жазыл және батырманы бас