11 сағат бұрын
Санатәлі Төлтаев Қазақстан чемпионы атанды
Бокстан Семей қаласында өтіп жатқан Қазақстан чемпионатында финалдық бәсекелері жалғасып жатыр, деп хабарлайды Sport12.kz
65 келіде басты фаворит саналған Ертуған Зейнуллинов ақтық сында Маңғыстау облысының өкілі Санатәлі Төлтаевпен жолықты. Санатәлі алғашқы раундтан-ақ басымдықты өз қолына алып, өз мүмкіндігін мүлт жібермеді. Нәтижесінде ол 4:1 есебімен жеңіске жетті.
Санатәлі Төлтаев 2024 жылы да Қазақстан чемпионатының финалына шыққан еді. Алайда ол ауырып қалуына байланысты жекпе-жектен бас тартқан болатын.
Айта кетейік, Қазақстан чемпионаты бүгін мәресіне жетеді.
Біздің серіктес: 200 000 фрибетті ұтысқа саламыз – арнаға жазыл және батырманы бас
