Қазақстанның чемпион қыздары бокстан Әлем кубогының финалын өткізіп алады

Қазақстан әйелдер құрамасы World Boxing Әлем кубогының финалдық кезеңіне әлем чемпиондарысыз қатысады.

Бас бапкер Елдос Сайдалиннің айтуынша, әлем чемпионатында жүлде алған спортшыларға демалыс берілген, ал Үндістанға ұлттық құраманың басқа боксшылары аттанады.

— 1–14 қараша аралығында оқу-жаттығу жиыны өтеді. Соның қорытындысы бойынша Нью-Делиге баратын құрам жасақталады. Үнді астанасына бес үздік спортшы, әр салмақ дәрежесінде үш қыздан қатысады. Лидерлерсіз де жоғары деңгейде өнер көрсету — біздің басты мақсатымыз, — деді Сайдалин.

Айта кетейік, Ливерпульде өткен 2025 жылғы әлем чемпионатында қазақстандық боксшылар соңғы жылдардағы ең үздік нәтижеге қол жеткізді:

Алуа Балкибекова, Аида Абикеева, Наталья Богданова — алтын

Назым Қызайбай — күміс

Виктория Графеева, Елдана Тәліпова — қола

World Boxing Әлем кубогының финалы 17–22 қараша күндері Нью-Делиде (Үндістан) өтеді.

Біздің серіктес: 200 000 фрибетті ұтысқа саламыз – арнаға жазыл және батырманы бас