Асланбек Шымбергенов Әлем чемпионатында топ жарды

Қазақстан құрамасының қоржынына үшінші алтын жүлде түсті. Бұл жолы команда капитаны Асланбек Шымбергенов топ жарды.

71 келі салмақ дәрежесінде шаршы алаңда жарыс жолына шыққан ұлттық құрама капитаны өзбекстандық Саиджамшид Жафаровты жеңіп, жарыс жеңімпазы болды. 

Осылайша, Қазақстан – Өзбекстан текетіресінде ұлттық құрама алға шықты. Есеп 2:1.

Әлем чемпионатындағы алғашқы жекпе-жегінде Шымбергенов Тринидад және Табаго елінің өкілі Аарон Принцті еш қиындықсыз жеңген еді. Ал 1/8 финалда Израиль елінің өкілі Мирослав Капулер-Ищенконы айқын басымдықпен (5:0) ұтты. Ширек финалда француз боксшысы Макан Траореден басым түсті. Ал финалға шығу үшін үндістандық Дев Нишантты 3:2 есебімен жеңді.

Асланбек екі жыл бұрын Белградта өткен жаһандық доданың ширек финалына жетіп, сүрінген. 

Біздің серіктес: 200 000 фрибетті ұтысқа саламыз – арнаға жазыл және батырманы бас