6 күн бұрын

Жәнібек Әлімханұлы Геннадий Головкинді құттықтады

Жәнібек Әлімханұлы Геннадий Головкинді құттықтады

Фото: turkystan.kz

Белгілі кәсіпқой боксшы Жәнібек Әлімханұлы қазақстандық Геннадий Головкинді World Boxing халықаралық федерациясының президенті болып сайлануымен құттықтады, деп хабарлайды Sport12.kz. 

Бұл жөнінде кәсіпқой боксшы өзінің әлеуметтік желідегі парақшасында жазды.

- GGG ағамды World Boxing халықаралық федерациясының президенті болып сайлануымен шын жүректен құттықтаймын! Жұмысына тек сәттілік тілеймін, - деді ол.

World Boxing халықаралық бокс федерациясы 2023 жылдың сәуірінде құрылған. 2024 жылдың қыркүйегінде Геннадий Головкин ұйымның жаңа Олимпиадалық комиссиясының төрағасы болды.

2025 жылдың ақпанында Халықаралық Олимпиадалық комитет World Boxing ұйымын уақытша мойындап, оған боксты әлемдік деңгейде басқару құқығын тапсырды.

Ал наурыз айында ХОК бокс спортын 2028 жылғы Лос-Анджелес Олимпиадасының бағдарламасына ресми түрде енгізу туралы шешім қабылдады.


Біздің серіктес: 200 000 фрибетті ұтысқа саламыз – арнаға жазыл және батырманы бас