Геннадий Головкинның кәсіпқой бокстағы қарсыласы өмірден озды

39 жастағы боксшы Ванес Мартиросян АҚШ-та ұзаққа созылған аурудан қайтыс болды, деп хабарлайды Sport12.kz

Бұл туралы журналист Манук Акопян өзінің X-тегі аккаунтында мәлімдеді. Оның айтуынша, Ванес Мартиросян Лос-Анджелесте тері обырымен екі жыл күрескеннен кейін өмірден өтті. Мартиросян 2018 жылы Геннадий Головкинмен болған жекпе-жектен кейін спорттық мансабын аяқтаған еді. «2004 жылғы АҚШ чемпионы мәңгілік тыныштықта болсын», – деп жазды Манук Акопян.

Кәсіпқой рингте Мартиросян 41 жекпе-жек өткізіп, 36 жеңіске жетті. 4 рет жеңіліп, бір кездесуді тең аяқтады. 2018 жылы ол Геннадий Головкинге қарсы рингке шығып, екінші раундта нокаутпен жеңілген.

Біздің серіктес: 200 000 фрибетті ұтысқа саламыз – арнаға жазыл және батырманы бас