4 күн бұрын
Айдос Тастаев Олимпиада жеңімпазымен рингке шығады
28 қарашада Челябинскіде кәсіби бокс кеші өтеді. Бұл кеште екі танымал өзбек боксшысы өздерінің дебюттік жекпе-жектерін өткізеді.
Осы кештің басты кездесулерінің бірі — екі дүркін әлем чемпионы әрі Олимпиада жеңімпазы Асадхуджа Муйдинхуджаев пен қазақстандық Айдос Тастаев арасындағы алты раундтық жекпе-жек.
2025 жыл Айдос үшін өте белсенді өтті — ол биыл жеті рет рингке шыққан. Қазір оның кәсіби статистикасында 8 жеңіс және 7 жеңіліс бар. Тастаев жұрт назарын Ташкентте бір тәуліктің ішінде екі өзбек боксшысын нокаутқа түсіріп, ерекше нәтиже көрсеткенімен де аудартқан. Енді ол деңгейі жоғары қарсыласқа қарсы шығады.
Сондай-ақ жаңадан әлем чемпионы атанған Жавохир Умматалиев те кәсіби рингте алғашқы жекпе-жегін өткізеді. Ол әзербайжандық Рахим Алиевпен (3–0) алты раундқа есептелген кездесуде қолғап түйістіреді.
Айта кетейік, Муйдинхуджаев пен Умматалиевтің екеуі де беделді Queensberry Promotions компаниясымен келісімшартқа қол қойған.
Біздің серіктес: 200 000 фрибетті ұтысқа саламыз – арнаға жазыл және батырманы бас