Қазақстандық боксшы халықаралық турнирде үздік деп танылды

Қазақстандық боксшы Төрехан Сабырхан Испанияда өткен Boxam Elite-2026 турнирінде үздік спортшы ретінде танылды. Бұл туралы британдық сарапшы Мэтт Робинсон хабарлады.

«Бұл менің жеке топ-10-ымдағы ең әсерлі қатысушылар. Бірінші орын үшін Төрехан мен Аль-Альмади арасындағы күрес өте тартысты өтті. Соңында мен Төреханға финалдағы тамаша өнеріне байланысты басымдық бердім», – деп жазды Робинсон.

Төрехан Сабырхан 70 келіге дейінгі салмақ дәрежесінде алтын медаль жеңіп алды және турнирдің эксперттік рейтингінде бірінші орынға шықты. Оның ағасы Махмуд Сабырхан 55 келіге дейінгі салмақта жеңіске жетіп, рейтингте жетінші орын алды.

Сарапшының айтуынша, рейтинг тек нәтижелерге емес, сонымен қатар өнер көрсету деңгейіне, қарсыластардың күшіне және турнирдегі жолдың қиындығына негізделген.

Қазақстан құрамасы Boxam Elite-2026 турнирінде жалпы алғанда алты алтын, бес күміс және алты қола медаль жеңіп алды.

Біздің серіктес: Бізге тіркел!