Қазақстан боксшылары бүгін алты алтынға таласады

Бүгін, 1 наурызда, Болгария астанасы Софияда дәстүрлі халықаралық Странджа кубогы турнирінің финалдық жекпе-жектері өтеді.

Алты қазақстандық боксшы алтын медаль үшін шаршы алаңға шығады. Барлық айқастар күндізгі сессия аясында өтеді. Басталуы – Астана уақытымен 17:00.

1 наурыз. Күндізгі сессия (17:00)

2-жұп. 54 кг (әйелдер):

Элина Базарова – Лорен Макки (Англия)

5-жұп. 65 кг (әйелдер):

Лаура Есенгелді – Навбахор Хамидова (Өзбекстан)

8-жұп. 80 кг (әйелдер):

Надежда Рябец – Ярен Дузтас (Түркия)

9-жұп. 80+ кг (әйелдер):

Валерия Аксенова – Олтиной Сотимбоева (Өзбекстан)

11-жұп. 50 кг (ерлер):

Даниял Сабит – Билалхабаши Назаров (Әзербайжан)

15-жұп. 70 кг (ерлер):

Фарух Тоқтасынов – Лавант Броунли (АҚШ)

Айта кетейік, «Странджа кубогы» Еуропадағы ең көне бокс турнирлерінің бірі саналады және бейресми түрде «кіші әлем чемпионаты» деп аталады. 2026 жылы жарыс 77-рет ұйымдастырылып отыр.

Биыл турнирге Қазақстаннан 39 боксшы қатысқанымен, финалға тек алтауы ғана жолдама алды.

Біздің серіктес: «Ойна, болжа, қатыс!»