Қазақстандық боксшы жартылай финалға өтті

Қазақстандық боксшы Владислав Саможонов Таиландта өтіп жатқан U‑19 World Boxing Futures Cup турнирінде жүлдеге қол жеткізді.

Аса ауыр салмақ дәрежесіндегі (90 кг-нан жоғары) ширек финалда қазақстандық спортшы жаңа зеландиялық Те Ани Ракетемен қолғап түйістірді. Екінші раундта Саможонов қарсыласын екі рет нокдаунға жіберіп, айқын басымдықпен жеңіске жетті. Осыдан кейін төреші жекпе-жекті тоқтатты.

Осылайша қазақстандық боксшы жартылай финалға шығып, кем дегенде қола жүлдені қамтамасыз етті.

Айта кетейік, жарыс Бангкокта (Таиланд) өтіп жатыр және 15 наурызға дейін жалғасады.

Біздің серіктес: «Ойна, болжа, қатыс!»