Головкин орта салмақтағы ең үздік боксшылар рейтингінде

Қазақстандық боксшы Геннадий Головкин Boxingscene.com порталының ХХІ ғасырдағы орта салмақтағы үздік чемпиондар рейтингінде екінші орынға шықты. Бірінші орынды америкалық боксшы Бернард Хопкинс иеленсе, үшінші орынға аргентиналық Серхио Мартинес жайғасты.

Рейтинг авторларының айтуынша, GGG орта салмақтағы титулдық жекпе-жектерде керемет нәтижелер көрсетті: 22 жеңіс, 1 жеңіліс, 1 тең нәтиже, соның ішінде 20 кездесуді нокаутпен аяқтаған. 2010-2022 жылдары Қазақстан спортшысы дивизионда тұрақты түрде доминация жасап, чемпиондық белбеулерін қорғап, қарсыластарын сенімді түрде жеңіп келді.

Сондай-ақ, Головкиннің титулдық жекпе-жектерде қатарынан 17 кездесуді мерзімінен бұрын жеңуі ең әсерлі көрсеткіштердің бірі деп бағалануда. Дегенмен, сарапшылар оның шын мәнінде ең мықты қарсыластармен карьерасының шыңында кездесуге мүмкіндік болмағанын, ал Сауль Альвареспен негізгі кездесулерінің кейінгі кезеңде болғанын атап өтті.

Рейтингке сонымен қатар Сауль Альварес, Келли Павлик, Джермейн Тейлор, Дэниэл Джейкобс, Артур Абрахам, Мигель Котто және Феликс Штурм кірген.

Біздің серіктес: «Ойна, болжа, қатыс!»