Елнұр Сүйінбайдың қарсыласы ауысты

Қазақстандық боксшы Елнұр Сүйінбай (1-0, 0 КО) 28 наурызда Таразда өтетін жекпе-жекке жаңа қарсылас алды.

Бастапқыда Сүйінбай Өзбекстан өкілі Ұлықбек Қаюмбоевпен (6-1, 5 КО) жұдырықтасуы тиіс болған. Алайда жекпе-жекті ұйымдастырушы Irfin Promotions қарсыластың ауысқанын мәлімдеді. Енді қазақстандық боксшы әзербайжандық Фарид Әлиевпен (3-0, 1 КО) кездеседі. Жекпе-жек жартылай орта салмақта өтеді.

Елнұр Сүйінбай кәсіби рингтегі дебютін өткен жылдың шілде айында Алматыда өткізді. Ол қырғызстандық Жарқынбек Жақыпбекұлын (1-6, 0 КО) төрешілердің бірауыздан қабылдаған шешімімен жеңген еді.

Ал Фарид Әлиев 2022 жылдан бері жекпе-жек өткізбеген. Соңғы кездесуінде ол Бакуде отандасы Рамазан Бабаевты (1-8-1, 1 КО) төрешілер шешімімен жеңген болатын.

Біздің серіктес: «Ойна, болжа, қатыс!»