Қазақстан боксшысы Аққалықов финалда алтынға таласады

Қазақстан боксшысы Сабыржан Аққалықов Азия чемпионаты-2026 финалына шықты.

75 келіге дейінгі салмақта өнер көрсеткен Аққалықов моңғолиялық қарсыласы Далай Ганзоригаға қарсы екінші раундта үш нокдаун жасап, кездесуді уақытынан бұрын аяқтады.

Жекпе-жектен кейін журналист Аслан Каженов видео жариялап, онда боксшыға жеке жаттықтырушысы Александр Насибулин әр нокдаун үшін 100 доллар сыйақы беріп, оны ынталандырғанын көрсетті. Осылайша, үш нокдаунға 300 доллар сыйақы берілген.

Айта кетейік, өткен жылы Аққалықов IBA әлем чемпионатында күміс жүлде алған. Бұған дейін ол 2021 жылы жастар арасындағы әлем чемпионатында жеңімпаз атанған.

Біздің серіктес: Olimpbet қосымшасын пайдалан