ҚБФ ресми түрде World Boxing өтуіне байланысты мәлімдеме жасады

Қазақстан бокс федерациясы ресми түрде World Boxing толыққанды мүшесі атанды.

Бұл туралы Колорадо-Спрингс қаласында (АҚШ) өткен World Boxing халықаралық бокс федерациясының Конгресінде хабарланды.

«Бүгінде World Boxing (WB) ұйымына 55 ел кіріп отыр.

Конгресс барысында ХОК мақұлдаған WB Жарғысына енгізілген өзгерістер туралы пікірталас болды. Сонымен қатар, жарыс өткізу регламентіне де енгізілген өзгерістер қабылданды. Атап айтқанда, турнирлер жаңа салмақ дәрежелерінде өткізілетін болады. Сондай-ақ, төрешілердің жекпе-жек барысындағы және жеңімпаздарды анықтау кезіндегі жұмысына да өзгерістер енгізілді.

Конгресс барысында Қазақстан бокс федерациясы Лос-Анджелестегі Олимпиада ойындарына іріктеу турнирі ретінде 2027 жылғы бокс бойынша әлем чемпионатын өткізуге өтінім берді. Әлемдік ұйымның шешімі жақын арада белгілі болады», - деп жазылған хабарламада. 

Айта кетейік, World Boxing халықаралық бокс федерациясы 2023 жылдың сәуір айында құрылған.