07.02.2025
Испанияның үздік қорғаушысы мексикалық «Монтеррейге» ауысты
Фото: dzen.ru
Испаниялық «Реал Мадрид» клубының белгілі қорғаушысы Серхио Рамос енді мексикалық «Монтеррей» командасында доп тебеді.
Футболшы жаңа командасымен бір жылға келісімшартқа қол қойды. Ол жаңа клубына еркін агент ретінде қосылды.
38-жастағы Серхио Рамос футболдағы алғашқы қадамын Испанияның «Севилья» командасында 2004 жылы бастады. Ал 2005-2021 жылдарда «Реал Мадрид» клубының намысын қорғаса, одан кейін Францияның ПСЖ, Испанияның «Севилья» клубтарында болды.
Ол 2005-2021 жылдарда Испания құрамасы сапында үздік қорғаушылардың бірі атанды.
Серхио Рамос жаңа клубында 93-ші нөмірлі жейдемен ойнайды.
Біздің серіктес: «Ойна, болжа, қатыс!»
