Boxam Elite-2025 турнирінде қазақстандық боксшылар 18 медаль жеңіп алды

Испанияның Ла-Нусии қаласында өткен Boxam Elite-2025 турнирінде қазақстандық боксшылар 18 медаль жеңіп алды. 

Халықаралық турнирде ел құрамасы 6 алтын, 5 күміс және 7 қола медаль жеңіп алды.  

Ел құрамасынан Нұрзат Оңғаров (48 кг), Бағлан Кенжебек (54 кг), Ерхан Тұрдан (57 кг), Бейбарыс Жексен (60 кг), Алмат Әбдуали (63,5 кг) және Дархан Дүйсебай (71 кг) чемпиондық тұғырға көтерілді. 

Ал ерлерден Ернар Қарап (48 кг), Актілек Орынбасар (54 кг) және Жандос Қыдырәлиев (63,5 кг), әйелдерден Роксана Гасымова (48 кг) және Бақыт Сейдиш (70 кг) күміске қол жеткізді. 

Сондай-ақ Жасұлан Тілеумбек (57 кг), Дулат Бекбауов (67 кг), Елнұр Сүйінбай (71 кг), Диас Молжігітов (75 кг), Дәулет Төлемісов (80 кг) және Даниял Сапарбай (92 кг жоғары), әйелдерден Диана Магауяева (75 кг) үздік үштікті түйіндеді.