Боксшы Әділбек Ниязымбетов туралы фильм жарыққа шықты

Лондон және Токио Олимпиадасының күміс жүлдегері Әділбек Ниязымбетовтің спорт жолына арналған «Былғары қолғап» атты фильм жарыққа шықты.

Кино режиссері Қанат Майлыбаев бастапқыда бұл фильмде басқа спорт түрін көрсетуді жоспарлаған. Алайда Әділбектің өмірбаянын естігенде, бірден ойын өзгертіпті.

«Спорт туралы фильм түсіруді жоспарлап жүргенімді бокс бапкері Марат Жакиев ағамызға айтқан болатынмын. Ол кісі Әділбек Ниязымбетовтің өмірбаянын айтқан соң фильм Әділбекке арнадуы керек екенін түсіндім де солай шешім қабылдадым. Туындының 80% шынайы өмірден алынса, қалған 20% өзімнің қиялымнан шыққан. Мақсатым – кино арқылы жастар мен жасөспірімдер арасында боксты кеңінен насихаттау», - деді режиссер.