11.02.2025
Александр Бублик АТР 250 турнирін жеңіспен бастады
Азамат Бақи
Фото: olympic.kz
Қазақстандық теннисші Александр Бублик Францияның Марсель қаласында өтіп жатқан АТР 250 турниріндегі алғашқы матчында жеңіске жетті.
Жарыстың 1/16 финалында Бублик (АТР: 48 орын) жергілікті теннисші Ришар Гаскеден (АТР: 128 орын) 2 сеттің қорытындысы бойынша 2:0 (6:4; 6:4) есебімен басым түсті. Қос теннисші кортта 1 сағат 23 минут уақыт өткізді.
Енді отандасымыз турнирдің 1/8 финалында тағы бір франциялық теннисші Уго Умбермен (АТР: 17 орын) келесі кезең жолдамасын сарапқа салады.
Айта кетейік, дүбірлі доданың жалпы жүлде қоры 740 730 еуроны құрайды.
Біздің серіктес: «Ойна, болжа, қатыс!»
