Артур Бетербиев пен Дмитрий Бивол жекпе-жек өткізгені үшін қанша табыс табады?

Бүгін, 22 ақпанда, Сауд Арабиясының астанасы Эр-Рияд қаласында Артур Бетербиев пен Дмитрий Бивол реванш жекпе-жегін өткізеді.

Бетербиев пен Бивол рингке көтерілгені үшін әрқайсысы міндеттелген 20 миллион доллар сыйақы алады.

Қос ресейлік боксшы арасындағы алғашқы жекпе-жек өткен жылдың 12 қазанында өтті. Бұл кездесуде Бетербиев төрешілердің басым бөлігінің шешімі бойынша жеңіске жетіп, жартылай ауыр салмақта әлемнің абсолютті чемпионы атанған болатын.

Бірінші тектіресте боксшылар жекпе-жек өткізгені үшін 10 миллион доллардан табыс тапқан.

Айта кетейік, жекпе-жек кеші бүгін сағат 22:00-де басталады. Тікелей трансляцияны біздің Telegram арнамыздан тамашалай аласыздар.