Махмұд Сабырханның қарсыласы белгілі болды 

Отандасымыз 5 сәуір Астанадағы бокс кешінің андеркардында Джей Фрэнсис Бураймен (13-3-1, 3 КО) кездеседі. Жекпе-жек алты раундқа жоспарланған.

28 жастағы Филиппиндік боксшының кәсіпқойда жүргеніне он жыл болды. Ал бұл жекпе-жек Махмұд Сабырханның кәсіпқой бокстағы бірінші кездесуі болады.

Махмұд Сабырхан 2023 дылы әлем чемпионы атанса, 2021 жылы күміс жүлдегер болды. Ал Азия чемпионатында 2024 жылы жеңіс тұғырына көтерілсе, 2022 жылы күміске қол созды.

Айта кетсек, бұдан бұрын ағайынды Махмұд Сабырхан мен Төрехан Сабырханның кәсіпқой бокстағы алғашқы жекпе-жегі ресми түрде хабарланды.

5 сәуір күні Астана қаласындағы «Барыс Арена» спорт кешенінде өтетін бокс кешінде ағайынды Сабырхандар шаршы рингке шығады.

Бокс кешінің басты жекпе-жегінде Жәнібек Әлімханұлы (16-0, 11 КО) франциялық Анауэль Нгамиссенгемен (14-0, 9 КО) шеберлік байқасады.